ஸ்ரீ விஷ்ணு ஸஹஸ்ரநாமம் J K SIVAN
ஆயிர நாமன் (170-185)
170. மகா மாயா : மாயைக்கே அதிபதியானவன். அவனை மையமாக்கி மாயம் உலகத்தை வசியத்தில் ஆழ்த்துகிறது. விஷ்ணு ஒருவனே மாயையை அடக்கி ஒரு எல்லைக்குள் வைத்திருக்கிறான்.
171. மஹோத்ஸாஹா: ரொம்பவே உத்ஸாகமாக இருப்பவர் விஷ்ணு. எவ்வளவுக்கெவ்வளவு பலமும் சக்தியுமோ அவ்வளவு பொறுமை . பதவிசு. தாயன்பு கொண்ட தெய்வம் விஷ்ணு.
172. மஹாபலா: அளவற்ற பலம் கொண்டதால் தான் எண்ணற்ற ராக்ஷஸர்களை எளிதில் அழிக்க முடிந்தவர். யாருக்காக அழித்தார் ? சாதுக்கள், தீனர்கள் , எளியோர்கள், நல்லவர்கள், ஆகியோர் க்ஷேமத்துக்காக. அல்லவா?
விஷ்ணு ஸஹஸ்ரநாமத்தை எளிதாக புரியும்படி செயது வரும் பணியில் நான் வெற்றிபெற விஷ்ணுவின் ஆசியும் அருளும் பெற வேண்டி தொடர்கிறேன்:
19.மஹாபுத்திர் மஹாவீர்யோ மஹாஸக்திர் மஹாத்யுதி:
அநிர்தேஸ்யவபு: ஸ்ரீமாந் அமேயாத்மா மஹாத்ரி த்ருத் ||
173. மஹா புத்தி: எங்கும் நிறைந்து புத்தியால் காணப்படுபவன்.
174. மஹா வீர்யன்: மிக பலம் வாய்ந்த வீர சக்தி கொண்டவன். எதற்கும் எவருக்கும் ஆதார சக்திமான்
175. மஹா சக்தி: அளவற்ற திறனும் திறமையும் வாய்ந்தவன்.செயல், எண்ணம், அறிவு அனைத்திலும் ஈடற்றவன்.
176. மஹாத்யுதி: அபூர்வ ஒளி படைத்தவன். பலகோடி சூரிய சந்திர நக்ஷத்ரர்களுக்கும் மேலான ''தானே'' ஒளியானவன்.
177. அநிர்தேஸ்யவபு: விவரிக்க முடியாதவன். சொல்லொணா அபூர்வ தன்மைகள் கொண்ட தெய்வம்.
178. ஸ்ரீமான்: சகல எண்ணிலடங்கா ஐஸ்வர்யன் லக்ஷ்மிதரன்.
179. அமேயாத்மா: ஜீவாத்மாக்களால் அறியவொண்ணா பரமாத்மா. ஒவ்வொரு ஜீவனின் உடல் க்ஷேத்ரமாகி அதில் உறையும் க்ஷேத்ரஞன். யாவுமானவன்.
180. மஹாத்ரித்ரிக் : எல்லாவற்றையும் தாங்குபவன். பாற்கடலில் தேவாசுரர்கள் கடையும்போது மந்திரமலையை கடையும் பெரிய மத்தாக்கி, தன்னை
20.மஹேஷ்வாஸோ மஹீபர்த்தா ஸ்ரீநிவாஸஸ் ஸதாம்கதி: |
அநிருத்தஸ் ஸுராநந்தோ கோவிந்தோ கோவிதாம் பதி:
181. மஹேஷ்வாசன்: சார்ங்கதரன் . சார்ங்கம் எனும் மகோன்னதமான வில்லாலை ஏந்துபவர்.
182. மஹீபர்த்தா : பூமித்தாயின் நாயகன்.பூவராஹனாக அவதரித்து பூமியை மீட்டவன்.
183. ஸ்ரீனிவாசன்: ஸ்ரீ எனும் லட்சுமிமாதாவை நிரந்தர வாசி யாக தன்னிதயத்தில் கொண்டவன்
184. சதாம்கதி : சாதுக்களின் பக்தர்களின் லக்ஷியமானவன்.நரர்கள் செல்லும் நற்கதி காட்டும் நாராயண பரகதி.
185. அநிருத்தன்: தடுக்கமுடியாதவன், எதிர்க்கமுடியாதவன்.
No comments:
Post a Comment