''நான் சொல்வதெல்லாம் உண்மை.

சூர் சாகரம் J.K. SIVAN

''நான் சொல்வதெல்லாம் உண்மை...''

''அம்மா அப்படி என்னை பார்க்காதே.

நான் பொய் சொல்லலே. உண்மை. உண்மையே தான். நான் வெண்ணை கிட்டேயே போகலே. எடுக்கவும் இல்லையே, சாப்பிடவும் இல்லே.

நீ தான் பார்க்கறேயே. நான் விடிஞ்சதும் இந்த பசு கும்பலோடு, கன்னுக்குட்டிகளோடு, மேச்சலுக்கு போயிடறேனே. காட்டிலே வெண்ணை ஏது?

அம்மா, நான் வெண்ணெய் சாப்பிடறதில்லே மா. பேசாமல் காட்டிலே ஒரு மரத்தடியில் இதோ இந்த புல்லாங்குழலை ஊதிண்டு உட்காருகிறவன். பொழுது சாஞ்சுதுன்னா வீட்டுக்கு திரும்பறவன்.

நானோ சின்னவன். மத்தவங்களை விட குள்ளமானவன். நான் எப்படி மேலே கட்டியிருக்கிற உரியிலே இருக்கிற வெண்ணெய் எடுக்க முடியும்?

வேணுமின்னே மத்த பையன்கள் என் மேல் பழி போடறான்கள். அவன்கள் சாப்பிட்ட வெண்ணையை என் முகத்திலே பூசுவானுங்க. பாவம் உனக்கு ஒண்ணுமே தெரியலே அம்மா. அவங்க பேச்சை அப்படியே நம்பிடுறே.

நீ என்னை பெத்த பிள்ளையா பாக்கறதில்லே. வேறே யாரோ பெத்த பிள்ளைன்னு தானே பார்க்கறே. அதாலே நான் சொல்றது எதையும் நம்பறதில்லே. அது தான் உன்கிட்டே பெரிய குறை.

இந்தா பிடி. என்கிட்டே இருந்து இந்த உன்னுடைய மாடு மேய்க்கிற குச்சி, போர்வை எல்லாத்தையும் எடுத்துக்கோ. நீ சொல்றபடியெல்லாம் இனிமேயும் நான் டான்ஸ் ஆடபோறதில்லை.

அம்மா நிச்சயம் நான் வெண்ணையை தொடவே இல்லை.''

இந்த பேச்சை கேட்டு யசோதா சிரித்தாள். எவ்வளவு நிஜம் போல இந்தப் பயல் பொய் சொல்லுகிறான். பண்றதையெல்லாம் பண்ணி விட்டு ஒன்னும் தெரியாதவன் மாதிரி.. பலே வேஷக்காரன்.....

கிருஷ்ணனை அப்படியே வாரி அணைத்தாள். அந்த அன்பை எழுத ஸாரி , எனக்கு வார்த்தை வரல்லே சார்.

சூர் தாஸ் சொல்லறார். அவராலே முடியும் நான் சூர்தாஸ் இல்லையே..

''O mother mine, I did not eat the butter

come dawn, with the herds,

you send me to the jungle,

o, mother mine, I did not eat the butter.

all day long with my flute in the jungles

at dusk do I return home.

but a child, younger than my friends

how could I reach up to the butter?

all the gopas are against me

on my face they wipe the butter,

you mother, are much too innocent,

you believe all their chatter.

there is a flaw in your behaviour,

you consider me not yours,

take you herd-stick and the blanket

I'll dance to your tune no longer.

Surdas, Yasoda then laughed,

and took the boy in her arms,

mother mine I did not eat the butter.